Një memorandum mirëkuptimi dhe bashkëpunimi midis Shqipërisë, Maqedonisë së Veriut dhe Serbisë për bashkëpunimin në luftën kundër COVID-19 do të nënshkruhet sot në konferencën e “Mini-Shengenit”.
Lajmi është bërë i ditur nga kabineti i presidentit serb, Aleksandar Vuçiq.
Siç u njoftua nga kabineti i kreut të shtetit serb, kryeministrat e Shqipërisë dhe Maqedonisë Veriore, Edi Rama dhe Zoran Zaev, si dhe kryeministja e Serbisë, Ana Bërnabiq dhe Ministri i Shëndetësisë, Zlatibor Lonçar, do të marrin pjesë në video -konferencën, e cila do të fillojë në orën 11:00, raporton Tanjug, transmeton Klan Kosova.
Një takim virtual në kuadër të nismës për “Mini-Shengenin” u mbajt edhe gjatë javës së shkuar, mirëpo Kosova nuk kishte marrë ftesë për t`u bërë pjesë e tij, njofton Klan Kosova.