Në një takim lamtumirës sot, Aivo Orav, ambasador i Bashkimit Evropian në Kosovë, falënderoi presidenten Vjosa Osmani për bashkëpunimin gjatë mandatit të tij, duke theksuar se BE-ja mbetet partneri më i fortë dhe më i besueshëm i Kosovës, ndërsa vendi avancon drejt Bashkimit Evropian.
“Në një takim lamtumirës sot, Aivo Orav ka falënderuar presidenten e Kosovës Vjosa Osmani për bashkëpunimin gjatë mandatit të tij si ambasador i BE-së në Kosovë, duke theksuar se BE-ja mbetet partneri më i fortë dhe më i besueshëm i Kosovës, ndërsa vendi avancon drejt BE-së” – thuhet në njoftim.
Orav pritet që së shpejti të marrë një detyrë të re diplomatike në Turqi. Lajmin e bëri të ditur Matti Maasikas, sekretar i përgjithshëm në detyrë në Shërbimin Evropian për Veprime të Jashtme (EEAS), i cili e falënderoi Oravin për punën e tij dhe i uroi sukses në detyrën e re.
