Kryesuesja e Komisionit për Komunitete të Kuvendit Komunal të Prizrenit, Sevilay İgci Hapçi, së bashku me anëtarët e këtij komisioni, kanë vizituar disa shkolla të qytetit, me qëllim të vlerësimit nga afër të gjendjes arsimore dhe nevojave të nxënësve nga komunitetet.
Gjatë vizitave, anëtarët e komisionit janë takuar me drejtuesit e shkollave dhe mësimdhënësit, me të cilët kanë diskutuar për gjendjen e nxënësve, si dhe për sfidat me të cilat ata mund të përballen në komunikim dhe në aspektin gjuhësor.
Në takime është diskutuar edhe për sigurimin e materialeve mësimore, si dhe për nevojat e mësimdhënësve dhe personelit tjetër të shkollave.
