Në Spitalin e Përgjithshëm “Prim. Dr. Daut Mustafa” në Prizren janë zhvilluar më 22 dhe 23 shtator aktivitete profesionale në kuadër të zbatimit të Procedurave Standarde Operative (PSO) të Infermierisë.
Gjatë takimeve me drejtuesit dhe stafin infermieror u diskutua për zbatimin praktik të PSO-ve, dokumentimin e procedurave dhe sfidat e hasura në punën e përditshme.
Aktivitetet u udhëhoqën nga drejtues të Divizionit të Infermierisë dhe profesionistë të fushës, ndërsa drejtori ekzekutiv i spitalit, MSc. Osman Hajdari, shprehu mbështetjen institucionale për procesin e standardizimit dhe përmirësimit të shërbimeve shëndetësore.
