Xhudistja kosovare, Laura Fazliu, ka fituar medaljen e argjendtë në turneun prestigjioz Grand Prix Upper Austria që po mbahet në Austri.
Në finale ajo është përballur me brazilianen Rafaela Silva, nga e cila është mposhtur me yuko, duke u renditur kështu në vendin e dytë.
Fazliu ka qenë e lirë në xhiron e parë të garës. Në xhiron e dytë ajo ka shënuar fitore bindëse me ippon ndaj sllovenes Leila Mazouzi.
Në çerekfinale, xhudistja kosovare e ka mposhtur me waza-ari kroaten Nina Cvjetko.
Fazliu e ka siguruar finalen pasi në gjysmëfinale triumfoi me ippon ndaj gjermanes Sara-Joy Bauer.
Klikoni KËTU për tu bërë pjesë e kanalit të TV Prizreni në Youtube.
