Njësitet antikontrabandë të Doganës së Kosovës, gjatë këtij viti , në veri të vendit, kanë arritur të zbulojnë 28 raste të kontrabandimit të mallrave. Vlera e mallrave është mbi 100 mijë euro.
Ndërsa vlera e mallrave të konfiskuara në tërë vendin, dogana ka arritur të arkëtojë 9.4 milionë euro nga 4.4 milionë euro sa ishte vitin e kaluar në periudhën e njëjtë të vitit.
Produktet, të cilat janë kapur duke u kontrabanduar sipas zëdhënësit të doganës, Adriatik Stavileci, janë produkte ushqimore, bulmetta, pije joalkoolike, raki, verër, fruta -perime, vajra motorike si edhe pajisje për prodhimin e kriptovalutave.
“Gjatë këtij viti Dogana e Kosovës – njësitet anikontrabandë në pjesën veriore të Mitrovicës kanë arritur të zbulonin 28 rast të kontrabandimit dhe mallrat e kontrabanduara në vlerë prej 108.077.00 euro.
Derisa produktet më të kontrabnduara që kemi hasur janë, produkte ushqimore, bulmerta, pije joalkoholike, fruta-perime, raki dhe verë, pajisje për prodhim të kriptovalutave, vajra motorike”, ka thënë Stavileci.
Sipas tij, derisa në tërë Kosovën, dogana ka regjistruar shumën e mallrave të sekuestruara, përkatësisht të konfiskuara në vlerë prej 9.4 milionë nga 4.4 milionë sa ka qenë në periudhën e njëjtë të vitit të kaluar.