Britania, Finlanda dhe Holanda po shqyrtojnë mundësinë e ndërmarrjes së përbashkët të financimit dhe blerjes së armëve, municioneve dhe pajisjeve ushtarake, duke pasur parasysh nivelin e rritur të kërcënimit në mbarë botën, me luftën në Ukrainë dhe në Lindje të Mesme, ka raportuar të martën (17.03.2026) Reuters.
Tri vendet kanë thënë se bashkë me partnerë, të cilët nuk i kanë treguar, po shqyrtojnë krijimin e një mekanizmi deri më 2027 nëpërmjet të cilit do të përshpejtonin investimet dhe do të fuqizonin kërkesën për nevojat e mbrojtjes, thuhet në një deklaratë të lëshuar të martën nga Britania e Madhe.
Planet janë hartuar në kohën kur kryeministri britanik, Keir Starmer, dhe presidenti ukrainas, Volodymyr Zelensky, pritet të takohen më vonë në Londër, derisa pritet t’u bashkohet edhe sekretari i përgjithshëm i NATO-s, Mark Rutte.
