Zvicër: Që nga fillimi i pandemisë e deri më tani, 202,504 infektime
Autoritetet shëndetësore zvicerane kanë bërë të ditur se Zvicra po shënon një rritje të madhe të infeksioneve, vetëm dje Zyra Federale e Shëndetit Publik (BAG) ka raportuar gjithsej 10,128 infeksione të reja me koronavirus, të regjistruara në Zvicër dhe Lihtenshtajn, transmeton albinfo.ch.
Statistikat e fundit tregojnë se që nga fillimi i pandemisë e deri më tani janë 202,504 infektime gjithsej.
Mesatarja e rasteve të regjistruara në 7 ditët e kaluara është 7784 ose 13 për qind më shumë se në javën e kaluar.
Shkalla pozitive në një mesatare 7-ditore aktualisht është 26.9 për qind. Kjo do të thotë se nga 100 teste, mesatarisht 27 teste ishin pozitive.
Numri mesatar i testeve të realizuara është 31,020 në ditë dhe kështu është rritur me 12 për qind krahasuar me javën e mëparshme.
Kantonet aktualisht raportojnë 3,336 njerëz që po trajtohen në spitale për Covid-19. Kjo është 44 për qind më shumë se në javën e kaluar.
Duke qenë se shifra zyrtare, bazuar në numrin e personave që janë testuar, që në fillim ishin pozitivë në testin e bërë, dhe më pas janë rikuperuar, është ngritur, këtë e tregon edhe “Worldometers”, e cila publikon në kohë reale të dhëna nga koronavirusi, shkruan albinfo.ch.