Këshilli Prokurorial i Kosovës (KPK) ka zgjedhur Arian Gashin si Kryesues të ri të këtij institucioni, gjatë takimit të jashtëzakonshëm të 288-të të mbajtur në Prishtinë.
Gashi, i cili është anëtar i KPK-së nga radhët e Prokurorisë së Apelit, u zgjodh me shumicë votash pas prezantimit të programit të tij para anëtarëve të Këshillit. Ai theksoi se gjatë mandatit do të angazhohet për forcimin e rolit institucional të KPK-së dhe zhvillimin e mëtejmë të sistemit prokurorial në Kosovë.
