Klubi basketbollistik Bashkimi përmes një njoftim në facebook ka njoftuar se është gjobitur pas incidentit të mbrëmshëm në ndeshjen me GO+ Pejën.
Bashkimi u distancua nga veprimet e disa personave për të cilat thanë se nuk përfaqësojnë vlerat e klubit.
“Në ndeshjen e fundit ndaj KB GO+Peja, për fat të keq, disa individë të papërgjegjshëm (3–4 persona) hodhën shkrepësa në drejtim të parketit, me ç’rast u godit edhe një lojtar i skuadrës mysafire. Ky veprim i papranueshëm dhe vulgar nuk përfaqëson vlerat e klubit tonë, as shumicën dërrmuese të tifozëve tanë të vërtetë dhe distancohemi nga veprime të tilla që më së paku përfaqësojnë klubin dhe qytetin e Prizrenit”, thuhet në komunikatën e Bashkimit.
Klubi Bashkimi gjithashtu ka njoftuar se ka marrë dënim prej 3,200 euro dhe tri ndeshje pa praninë e tifozëve në palestër.