Policia e Kosovës në një operacion të përbashkët me Ministrinë e Mjedisit, Planifikimit Hapësinor dhe Infrastrukturës, më 03.03.2026, ka shqiptuar 36 gjoba dhe fletëparaqitje për kundërvajtje.
Siç njofton Policia, inspektorët e MMPHI-së kanë asistuar Njësinë Rajonale të Trafikut Rrugor për të bërë matjen me peshore të automjeteve, patrullimin në zonën e përgjegjësisë si dhe kontrollin e automjeteve të transportit të mallrave dhe personave, përfshirë verifikimin e dokumentacionit përkatës.
Operacioni i përbashkët ka rezultuar me masa të aplikuara ndaj drejtuesve të automjeteve dhe personave juridik, përkatësisht subjekteve afariste.
