Anëtari i delegacionit kosovar në bisedimet në Bruksel, Muhamet Mustafa ka reaguar në lidhje me raportimet për vjedhjen e çantës së delegacionit kosovar.
Mustafa ka shkruar në Facebook duke thënë se s’ka ndodhur asnjë skandal, pasi që kanë humbur vetëm gjëra personale.
Sipas tij, në çantë ka pasur vetëm dokumente personale dhe të holla. Sipas tij, dokumentet personale janë kthyer, ndërsa të hollat jo.
Lexoni reagimin e plotë të Muhamet Mustafës:
NUK KA NDODHUR ASNJE SKANDAL : JANE HUMBUR GJERA PERSONALE
Ne nje portal u lajmerua se eshte humbur nje cante e delegacionit te Kosoves per bisedimet ne Bruksel, dhe se kjo eshte mbajtur fshehte dhe kjo paraqitet si skandal . Mua me ka ndodhur te humbi ( ose te me vidhet) canta ku kam pase dokumente personale dhe te holla. Pas nje kohe dokumentet jane kthye, por te hollat jane marre.
Pra eshte nje rast i nje humbjeje personale dhe nuk ka asgje te beje me delegacionin, tentimet qe nga kjo te ndertohet nje “skandal” jane apsurde.
Natyrisht qe ne per kete nuk kemi pase nevoje te mbajme konference per shtyp por as qe e kemi mbajtur fshehte, pasi nuk kishte asnje nevoje per kete.