Nënë e bir nga fshati Pataqan i komunës së Rahovecit kanë humbur betejën me COVID-19 në të njëjtën ditë.
Këtë lajm e ka konfirmuar kryetari i kësaj komune, Smajl Latifi.
“Po, sot kanë humbur jetën nënë e bir nga fshati Pataqan, pasi kanë qenë të infektuar me COVID-19”, ka thënë Latifi.
I pari i Rahovecit edhe përmes një postimi në Facebook ka shprehur ngushëllime për familjen e të ndjerëve.
“E nderuara familje Ahmeti. Me pikëllim mora lajmin për ndarjen nga jeta të më të dashurve tuaj, Avniut dhe zonjës Zehra. Në këtë moment dhimbjeje e pikëllimi për ndarjen nga jeta të familjarëve tuaj, ju lutem pranoni ngushëllimet e mia më të sinqerta! Bashkëndjejmë me ju! Ngushëllime!”, ka shkruar Latifi në Facebook.
Klikoni KËTU për tu bërë pjesë e kanalit të TV Prizreni në Youtube.
