Të premten, në Prizren u mbajt tubim me qytetarë ku është prezantuar programi tre vjeçar për banim ku planifikohet që të ndihmohen familje me banim social në tre vitet e ardhshme.

Në fillim të këtij diskutimi publik, rreth prezantimit të këtij programi tre vjeçar të banimit, ka folur drejtori i Punës dhe Mirëqenies Sociale në Prizren, Edmond Hoxha, tha se është punuar maksimalisht në hartimin sa më të mirë të këtij programi, përmes së cilit pretendojmë që të vendosim rend në adresimin e çështjeve të banimit në komunë, për të ofruar banim me qira jo profitable për kategoritë e popullatës që nuk kanë përfitime ekoonomike për të paguar qiranë në tregun e lirë të banesave.

Drejtoresha e Qendrës për Punë Sociale, Kumrije Bytyçi, tregoi se cilat kategori shoqërore do të përfitojnë nga ky program. Zgjidhje të halleve me banim dhe pagesë të qirasë, kërkuan Fatime Shkreta dhe Melihe Mehmeti. Ky dokument ndodhet në konsultim publik nga 27.06.2023 deri me datën: 27.07.2023.

Ndryshe, një program i ngjashëm tre vjeçar ishte paraparë të implementohet nga dhjetori i vitit 2019, mirëpo ai kurrë nuk është implementuar nga kjo Drejtori.