Teatri i Qytetit “Bekim Fehmiu” në Prizren do të prezantojë nesër, më 7 nëntor 2026, premierën e shfaqjes “Trilogji Kosovare në Dy Pjesë”, duke filluar nga ora 20:00.
Shfaqja është shkruar nga Jeton Neziraj dhe vjen me regji të Blerta Nezirajt. Në kastin e aktorëve janë Adrian Morina, Semira Latifi, Ernest Malazogu dhe Shpëtim Selmani, ndërsa në pjesën muzikore interpretojnë Neil Ruçi, Çune Basho dhe Agim Ramaj.
“Trilogji Kosovare në Dy Pjesë” sjell një vështrim kritik mbi historinë bashkëkohore evropiane, hierarkitë e pushtetit, mekanizmat e përjashtimit dhe garën për njohje e vlerësim.
