Driton Quni, djali i deputetit të Kuvendit të Kosovës nga Prizreni dhe ish-komandantit të UÇK-së, Anton Quni, ka dhënë betimin ushtarak në Forcat e Armatosura të Kroacisë.
Lajmin e ka bërë të ditur vetë Anton Quni përmes një postimi, ku ka shprehur krenarinë dhe gëzimin për këtë arritje të të birit.
Në urimin e tij, Quni ka theksuar se beson që disiplina, etika, shkathtësitë ushtarake dhe puna në grup që Dritoni do të fitojë gjatë shërbimit ushtarak do t’ia forcojnë edhe më shumë karakterin për t’u përballur me sfidat e jetës.
