Zëvendëskryeministrja për Çështje të Pakicave dhe të Drejtat e Njeriut, Emilija Rexhepi dhe ministri i Administrimit të Pushtetit Lokal Elbert Krasniqi të enjten kanë kërkuar nga prokuroria të hetojnë rastet e dhunës ndaj komuniteteve.

Në një konferencë për media, Rexhepi ka apeluar te prindërit që t’i edukojnë fëmijët e tyre që mos të diskriminojnë pjesëtarët e komuniteteve ngase, sipas saj, nuk duhet gjykuar në bazë të pamjes së jashtme.

Ndërsa, Krasniqi theksoi se janë të brengosur me rastet e dhunës kohët e fundit ndaj komuniteteve, derisa ka bërë apel te të gjithë që ta raportojnë dhunën.