Policia Rajonale e Prizrenit në një komunikatë për media ka njoftuar se ka arrestuar një person i cili ka sulmuar një zyrtar policor.
Ai dyshohet se nën ndikimin e alkoolit ka shkaktuar aksident trafiku gjatë ditës së djeshme në Prizren, e pastaj kishte fyer e sulmuar zyrtarin policor.
“Është arrestuar i dyshuari mashkull kosovar pasi që pas një aksidenti të trafikut, nën ndikim të alkoolit i dyshuari poashtu ka fyer dhe sulmuar zyrtarin policor”, thuhet në raportin e policisë.
Me vendim të prokurorit kujdestar, i dyshuari është dërguar në mbajtje për 48 orë.
