Punëtorët e sektorit privat pritet që gjatë ditës së sotme të marrin mbështetjen financiare prej 100 eurosh, e paraparë në kuadër të Pakos për Përballje me Inflacionin 2.0.
Lajmi është konfirmuar nga zëvendësministri i Financave, Hysni Mehani, i cili ka bërë të ditur se procesi i transferimit të mjeteve për përfituesit pritet të realizohet gjatë ditës.
Përveç ekzekutimit të pagesave, autoritetet kanë sqaruar edhe çështjen e aplikimeve që kanë përmbajtur gabime.
Sipas Mehanit, qytetarët që kanë hasur probleme ose kanë plotësuar të dhëna të pasakta nuk do të mbesin jashtë skemës së përfitimit.
Ai ka theksuar se këtyre aplikuesve do t’u jepet mundësia të riaplikojnë, ndërsa rastet e tyre do të shqyrtohen nga komisionet përgjegjëse.
Pakoja për Përballje me Inflacionin 2.0, e miratuar nga Qeveria e Kosovës më 22 maj 2026, synon të zbusë ndikimin e rritjes së çmimeve për qytetarët. Në kuadër të saj, është paraparë ndihmë e njëhershme prej 100 eurosh për pensionistët, fëmijët, studentët aktivë dhe punonjësit e sektorit jopublik.
Klikoni KËTU për tu bërë pjesë e kanalit të TV Prizreni në Youtube.
