Përmes një postimi në facebook, kryetari i ri i Dragashit, Behxhet Xheladini , ka njoftuar se kundërkandidati i tij, Shaban Shabani, e ka uruar atë gjatë ditës për fitoren në garën për të parin e kësaj komune.
Postimi i plotë
TË NDERUAR QYTETARË TË KOMUNËS SË DRAGASHIT
Sot, kryetari i deritashëm, z. Shaban Shabani, publikisht ka pranuar rezultatët e zgjedhjeve, me ç’rast ka hapur rrugë për cerifikimin e rezultatit nga ana e KQZ-së.
Z. Shabani, sot gjithashtu më ka telefonuar dhe më ka ururar detyrën e re. Bashkë jemi dakorduar që pas certifilimit të rezultatëve, në kohë optimale do të bëhët pranim-dorëzimi i detyrës së kryetarit dhe i stafit të kryetarit.
Për të mirën e përgjithshme të qytetarëve tonë, u zotuam për një bashkëpunim korrekt pozitë- opozitë.
E falenderoj z. Shabani për qytetarinë e treguar me këtë rast.
Qytetarë të nderuar, të nderuar aktivistë , tani zgjedhjet kanë përfunduar. Ju lutem të silleni me dinjitet.Jemi në demokraci dhe në demokraci pushtetët ndërrohen. Tani nuk ma duhen fjalë, por punë dhe vetëm punë.
Na priftë e mbara dhe faleminderit të gjithëve!
