Përveç rritjes së çmimeve të produkteve bazike, në Kosovë është rritur edhe çmimi i arit.
Këtë e ka konfrimuar kryetari i Shoqatës së Artarëve të Kosovës, Enver Pakashtica, i cili ka thënë se çmimi i arit është rritur nga 47 mijë euro për kilogram në 54 mijë euro.
“Në krahasim me çmimet tjera të produkteve esenciale, çmimi i arit ka lëvizje por është një ngritje e përballueshme. Në mars 2020, në fillimin e pandemisë ka qenë 47 mijë euro një kilogram ari. Kurse sot e ke 54, do të thotë 12-13 % rritje. Po ta krahasojmë me metalet tjera, me hekur, plumb, zink, është ngritje, por ngritje e përballueshme”, ka thënë Pakashtica.
Ai tutje ka thënë se rritja e çmimit është bërë për shkak se është parë një rritje në BERZh ku siç thotë ai përcaktohet çmimi i arit.
“Në rritjen e çmimit ne nuk kemi fort çasje, kjo është rritje në BERZh, aty caktohet çmimi i arit. Jemi bërë pak të tepruar, duke u ankuar se nuk ka punë e ka punë, jo dobët jo nuk ka fitim. Në krahasim që ari i takon kategorisë së luksit. Ari është mjeti më i mirë për investim. Me kursy. Ka rënie të madhe të blerësve, duke marrë parasysh gjendjen ekonomike të qytetarëve, ata mezi po ia dalin me produkte esenciale”, ka thënë ndër të tjera ai për Indeksonline.