Kapiteni i Forcës së Sigurisë së Kosovës, E.V., ka përfunduar me sukses Kursin Kualifikues të Forcave Speciale të Ushtrisë së Shteteve të Bashkuara të Amerikës (U.S. Army Special Forces Qualification Course – SFQC), në U.S. Army John F. Kennedy Special Warfare Center and School.
Pas më shumë se tetë muajsh trajnimi intensiv, nga janari deri në shtator të vitit 2026, kapiteni i FSK-së ka përfunduar me sukses programin e kualifikimit për Green Berets, i cili përfshin përgatitje të avancuar në taktikat e njësive të vogla, planifikimin dhe udhëheqjen e operacioneve speciale, si dhe kualifikimin 18A Special Forces Detachment Officer.
Pjesë e këtij procesi ka qenë edhe ushtrimi përfundimtar Robin Sage, një nga fazat kryesore të trajnimit për pjesëtarët që synojnë kualifikimin në Forcat Speciale të Ushtrisë Amerikane.
