Të dielën në Suharekë u zhvillua ndeshja mes Bashkimit dhe Trepçës.
Në çerekun e dytë filloi eskalimi i situatës. Lojtari i Trepçës, Mikaile Tmusic, pas zëvendësimit filloi të provokoj tifozët prizrenas.
Në këtë moment disa nga tifozët dëmtuan disa karrige të palestrës.
Sinjali mëson se gjatë zhvillimit të ndeshjes, tifozët e klubit basketbollistik “Bashkimi” nga Prizreni kanë dëmtuar rreth 40 karrige të palestrës.
Ky rast është denoncuar në Polici, me ç’rast është vënë në dijeni edhe Prokurori i Shtetit, i cili ka urdhëruar inicimin e rastit si “Dëmtim prone”.
Gjithashtu me të shkuar në zhveshtore lojtarët e KB Bashkimit u sulmuan nga një grup i tifozëve të cilit kishin ardhur për ta mbështetur klubin Trepça.
Ndryshe, Trepça ka triumfuar në këtë ndeshje, me rezultat 87-84.
