Një 20-vjeçar, shtetas i Republikës së Shqipërisë, i cili po kërkohej me urdhëresë të Gjykatës Themelore në Prishtinë, Departamenti i Krimeve të Rënda, është kapur mbrëmë rreth orës 22:45 në pikën kufitare në Vërmicë.

Burimet e Gazetës Sinjali bëjnë të ditur se gjatë verifikimit nga ana e zyrtarëve policorë ka rezultuar se ndaj të dyshuarit ka urdhëresë aktive dhe duhet të paraqitet në Prokurori për intervistim.

Sipas burimeve, lidhur me urdhëresën është njoftuar edhe prokurori kujdestar, i cili ka rekomanduar që i dyshuari të dërgohet në Qendrën e Mbajtjes, ndërsa sot të dërgohet në Prokurori për intervistim.