Shërbimi Korrektues i Kosovës (SHKK) ka bërë të ditur të mërkurën, se ka pezulluar nga puna Burim Buleshkaj, ish-ushtrues detyre i drejtorit të Departamentit për Operativë Siguri dhe Transport të të Burgosurve në SHKK, aktualisht udhëheqës për Administratë në Qendrën e Paraburgimit në Prishtinë, si dhe Destan Zogaj, zyrtar korrektues, ish-ushtrues detyre i drejtorit në Qendrën e Paraburgimit Prizren.
Pezullohen nga puna dy zyrtarë të Shërbimit Korrektues të Kosovës lidhur me vdekjen e Astrit Deharit
Sipas njoftimit, ndaj tyre është iniciuar procedurë disiplinore për shkelje lidhur me ngjarjen e vitit 2016 në qendrën e Paraburgimit në Prizren.
“Ndaj tyre është iniciuar procedurë disiplinore për shkelje të rëndë lidhur me veprimet, mosveprimet në rastin e ngjarjes së rëndë në Qendrën e Paraburgimit në Prizren, të vitit 2016. Komisioni Disiplinor i Shërbimit Korrektues të Kosovës ka vlerësuar se ushtrimi i detyrës në funksionet të cilat i kanë, pengon hetimin disiplinor apo mund të cenojë ushtrimin e përshtatshëm të detyrës. Andaj, Komisioni Disiplinor i Shërbimit Korrektues të Kosovës vendosë pezullimin e nëpunësve civil, për të vazhduar tutje me procedurat hetimore dhe të rishqyrtimit të të gjitha rrethanave lidhur me ngjarjen dhe përgjegjësitë”, thuhet në njoftim.
Klikoni KËTU për tu bërë pjesë e kanalit të TV Prizreni në Youtube.
Të tjera nga rubrika
Komisioni për Komunitete viziton shkollat e Prizrenit për të vlerësuar nevojat e nxënësve
Nënshkruhen kontratat, 250 studentë në Prizren përfitojnë bursa nga 700 euro
Spitali i Prizrenit forcon standardet e kujdesit infermieror
