Të premten përmes një storie të përgatitur nga TV Prizreni, disa qytetarë janë ankuar për rrezikshmërinë që po iu kanoset atyre nga shtëpitë e vjetra në qendër të qytetit. Lidhur me këtë shqetësim të qytetarëve ne kishim intervistuar drejtoreshën për Emergjenca dhe Siguri, Ramize Sinanaj- Shala, si dhe drejtorin e Qendrës Rajonale për Trashëgimi Kulturore në Prizren, Samir Hoxha.
E në fillim të kësaj jave, objektet me rrezikshmëri janë vizituar nga drejtoresha Sinanaj- Shala dhe inspektorët komunal. Një gjë të tillë e ka bërë publike drejtoresha Sinanaj- Shala, përmes një postimi në facebook ilustruar dhe me fotografi.
