Pas rrëmbimit të çmimeve kryesore në garën ” Shkencëtari i ri”, gjimnazistët e ” Gjon Buzuku” të enjten kanë fituar edhe tre çmimet e para në garën “Sfida e dizajnit 2021” në nivel nacional.
Lajmi për suksesin e radhës të gjimnazistëve është bërë i ditur nga drejtori i këtij institucioni arsimor, Jeronim Susuri, përmes një njoftimi në rrjetin social facebook.
Postimi i plotë
Çka po ndodhë me gjimnazistët tanë?
Dje 3 çmime në garën “Shkencëtari i Ri”, sot 3 çmime në garën “Sfida e dizajnit 2021”, që të dy gara në nivel nacional.
Sërish 3 çmimet kryesore i fitonjnë gjimnazistët e “Gjon Buzukut” në nivel vendi në garën “Sfida e Dizajnit 2021”
Me datën 23.06.2021, në shkollën tonë me anë të një ceremonie u bë shpërndarja e cmimeve të fituara në garën “Sfida e Dizajnit 2021”.
Shkolla jonë u shpërblye më një kupon me vlerë 600€.
Nê garën sfida e dizajnit 2021 morrën pjesë rreth 200 nxënës, nga 16 shkollat e mesme të larta të Kosoves dhe dorezuan 34 projekte bashkëkohore.
Nga 5 sfidat shkolla jonë i fitoi tri:
Vendi i parë në sfiden “Krijimi i një gjeneratori të energjisë elektrike për shkolla ose ekspozita”, fituan gjimnazistët tanë.
Vendi i dytë në sfidën “Krijimi i një videoje për paraqitjen e një koncepti shkencor/matematikor/teknologjik”, fituan gjimnazistët tanë.
Vendi i tretë në sfidën “Krijimi i lojës Pinball”, fituan gjimnazistët tanë.
Gjatë cermonisë u shpërndanë edhe mirënjohje për nxënësit e shkollës sonë.
I falënderojmë nga zemra të gjithë nxënësit për këto të arritura!
Faleminderit prof.Lamir Shkurti për mbështetjen që po ju jep gjimnazistëve tanë!
Klikoni KËTU për tu bërë pjesë e kanalit të TV Prizreni në Youtube.
