Qytetarë të shumtë janë ankuar për një dukuri që po ndodh ditëve të fundit në Marash të Prizrenit.
Kjo pjesë e Prizrenit përdoret zakonisht për të kaluar kohën e lirë dhe gjithashtu shumë adhurues të kafshëve, konkretisht qenve, dalin në këtë pjesë me kafshët e tyre.
Mirëpo, ditëve të fundit ata janë ankuar se qentë po helmohen në këtë pjesë.
Këtë shqetësim e ka ngritur edhe anëtari i Kuvendit të Prizrenit, Petrit Hoxhaj.
Njoftimi i tij:
Kush po i helmon qentë në Marash?
Këtë vikend kemi parë nëpër rrjetet sociale qen të helmuar në Marash. Sipas postimeve që kemi parë, përveç qenëve endacak, nga të helmuarit ka edhe qen që kanë pronarë.
Andaj, kërkoj publikisht nga Drejtoria e Bujqësisë dhe të gjitha organet tjera përgjegjëse që ti fillojnë hetimet sa më shpejt që të jetë e mundur.
Sa më shpejt!