Suhareka ishte sonte qyteti nikoqir i ‘Turneun të Ndryshimit’ të Lidhjes Demokratike të Kosovës. Kreu i kësaj partie, Lumir Abdixhiku, tha se ndihet i lumtur që “Kushtrimi i nisur në Kryeqytet, po bie edhe këtu; po bie edhe në Suharekë”.
Duke përëritur zotimin për rritjen e koeficientit në 150 qysh në javën e parë të qeverisjes, Abdixhiku tha se “aty ku s’kanë bërë punë në rrugë për katër vjet, ne kemi projekt infrastrukturore që transformojnë këtë shtet”. “Aty ku shtrenjtimi i energjisë elektrike s’ka fund, ne kemi plan për Central me Gaz, për stabilitet furnizimi, për një ekonomi të sigurt me partnerë! Rruga e Re, ka 120 projekte, ka 5 miliardë euro investime, ka 5 miliardë euro buxhet, ka 5% rritje ekonomike”, tha Abdixhiku.
Ai ka ftuar qytetarët e Suharekës që të bëhen pjesë e ndryshimit sepse sipas tij, këto zgjedhje, nuk bëhen vetëm për të përcaktuar një Kryeministër të ardhshëm të Kosovës, por për të përcaktuar vet Kosovën.
Sipas tij, pushteti populist, në vend të përgjigjeve meritore e zgjidhjeve, u jep qytetarëve propagandë me vizatime e grafikone. “Është koha të zgjedhni për ata prindër të rinj, që teksa shijojnë buzëqeshjet e para të porsalindurve, mbyten nga brenga e çmimeve që tani duhet ti përballojnë. Le ta shohin të vërtetën me sytë e juaj më 9 shkurt! Le ta shohin se çfarë po sheh populli ynë”, tha Abdixhiku.
