Të mërkurën është mbajtur konkursi për përzgjedhjen e drejtorëve në tre institucione shkollore në Prizren, ndërsa pjesë e monitorimit të procesit kanë qenë edhe përfaqësues të shoqërisë civile.
Një gjë e tillë është mirëpritur përmes një postimi në facebook nga aktivistja e shoqërisë civile në Prizren, Tringa Kasemi.
Postimi i plotë
Shoqëria civile në Prizren nga sot nis monitorimin e procesit të përzgjedhjes së drejtorave/eve për shkolla.
Deri këtu jemi në rregull, procesi nis hapur.
Tutje mbetet të shihet, sa janë të sinqerta premtimet dhe sa do të zbatohen praktikat e përzgjedhjes jashtë favoreve politike e brenda kritereve të duhura.
Shpresojmë e urojmë të mos zhgënjehet askush!
