Kryetari i Prizrenit, Shaqir Totaj, bashkë me kryetarin e FFK-së, Agim Ademi kanë nënshkruar Memorandum Bashkëpunimi për ndërtimin e stadiumit të futbollit në Gjonaj të Hasit.
Këtë e ka bërë të ditur kryetari Totaj përmes një postimi në facebook.
Njoftimi i plotë:
Një lajm i mirë për qytetarët e Komunës së Prizrenit, sidomos për sportistët dhe tifozët e futbollit.
Sot, nënshkruam Memorandum Bashkëpunimi me Federatën e Futbollit të Kosovës, për ndërtimin e stadiumit, sipas standardeve të UEFA-së, në fshatin Gjonaj.
Rëndësia e këtij stadiumi është e madhe, pasi, Komunës sonë po i shtohet edhe një arenë sportive ku do të zhvillohen ndeshje e gara të të gjitha kategorive në futboll.
