Më 30 shtator 2022 ishte një ditë e madhe për nxënësit e “Loyola-Gymnasium”, të cilët pas disa muajsh morën diplomat e tyre të provimit të gjuhës gjermane DSD I. Ceremonia e ndarjes së diplomave u drejtua nga këshilltari i gjuhës gjermane, Martin Häusler, i cili mbajti një fjalim, ndërsa të pranishmit, përmes një fjale rasti i përshëndeti edhe drejtori i “Loyola-Gymnasium”, Enver Sulaj.
Një moment i rëndësishëm ishte prania e atasheut për kulturë në Ambasadën Gjermane në Kosovë, dr. Sebastian Leuschner, i cili i përgëzoi nxënësit, mësuesit dhe shkollën për suksesin e arritur.
