Mbrëmë, një veturë është përfshirë nga flaka derisa shoferi po lëvizte në autostradën “Ibrahim Rugova”, në drejtimin Vërmicë-Prizren.

Policia bëjnë me dije se bëhet fjalë për një veturë të tipit BMW, vlera e të cilës është 50 mijë euro.

Sipas raportit të policisë, dyshohet se deri te zjarri ka ardhur si pasojë e instalimit elektrik të automjetit.

Siç shihet në pamjet të dërguara në redaksi të Televizionit të Prizrenit në vendin e ngjarjes ka dalë patrulla dhe zjarrfikësit, ku pas një kohe të shkurtër është lokalizuar zjarri.

Ankuesi e ka raportuar rastin në Polici dhe ka bërë të ditur se vetura ishte e babait të tij.