Komuna e Prizrenit ka njoftuar se kryetari, Shaqir Totaj, mbajti takimin e tretë tremujor, me ç’rast u diskutua për punën në ndërtimin e praktikave të qëndrueshme të pjesëmarrjes publike dhe forcimin e partneritetit ndërmjet qeverisjes lokale dhe grupeve të qytetarëve.
Njoftimi i plotë:
Në vazhdën e aktiviteteve për implementimin e Agjendës së Kontratës Sociale për Komunën e Prizrenit, që mbështetet nga USAID, Kryetari Shaqir Totaj mbajti takimin e tretë tremujor, me ç’rast u diskutua për punën në ndërtimin e praktikave të qëndrueshme të pjesëmarrjes publike dhe forcimin e partneritetit ndërmjet qeverisjes lokale dhe grupeve të qytetarëve, në funksion të përmirësimit të kualitetit të jetës së banorëve të Komunës sonë.
Ndërtimi i tualeteve publike dhe rifunksionalizimi i Qendrës Rinore në lagjen “Ortakoll” ishin pjesë e bisedës, të cilat projekte janë në proces të realizimit.
“Me përkushtim, çdo ditë e më shumë jemi duke e rritur bashkëveprimin mes qytetarëve dhe zyrtarëve komunalë” – u shpreh Kryetari Totaj.
Klikoni KËTU për tu bërë pjesë e kanalit të TV Prizreni në Youtube.
