Ministrja e Arsimit, Arbërie Nagavci, ka thënë se zgjedhja e rektorit të ri të Universitetit të Prishtinës duhet të jetë dhe do të jetë një proces i bazuar në meritë dhe transparencë radikale.
Ajo ka shkruar në Facebook duke njoftuar se Këshilli Drejtues i Universitetit të Prishtinës ka shpallur konkursin për zgjedhjen e rektores/rektorit të ri dhe i cili do të jetë i hapur deri më datë 7 nëntor.
“Është në përgjegjësinë time që të bëj thirrje e të motivojë kandidatet e kandidatët që gëzojnë integritet, përgatitje e arritje ndërkombëtare akademike, që punojnë pa kompromis për shkencën, universitetin e publiken dhe kanë vizion për të bartur detyrën e drejtimit të Universitetit, që të konkurrojnë në këtë konkurs publik”, ka shkruar ajo.
Ka thënë se nuk do të lejojë asnjë ndërhyrje në këtë proces.
Ka deklaruar po ashtu se ka kërkuar ndihmë edhe nga ambasadorit të SHBA-së, dhe ambasadorët e tjerë të QUINT-it për këtë proces.