Ministria e Shëndetësisë (MSH) përmes një njoftimi për media ka njoftuar se do të fillojnë me procesin e vaksinimit për nxënësit e shkollave të mesme.
Siç njofton MSH, nesër do të mund të vaksinohen nxënësit në Shkollën e Mesme “Xhevdet Doda”, në Prishtinë, transmeton Telegrafi.
“Me qëllim të vaksinimit të nxënësve me vaksinën kundër COVID-19, Ministria e Shëndetësisë, ka organizuar për nesër (e mërkurë, 24 nëntor) ekip mobil për vaksinimin e nxënësve në Shkollën e Mesme ‘Xhevdet Doda’ në Prishtinë. Vaksinimi, i cili do të bëhet në bashkëpunim me drejtuesit e shkollës, do të zhvillohet nga ora 13:00 në mjediset e kësaj shkolle. Prindërit ose kujdestarët ligjorë të nxënësve që do të vaksinohen, pasi të kenë dhënë deklaratën e pajtueshmërisë për vaksinim, janë të mirëpritur, nëse duan për të përcjellë nga afër vaksinimin”, thuhet në njoftim.
