Instituti Hidrometeorologjik i Kosovës ka njoftuar se të dielën pritet të jetë mot i vranët dhe diku edhe me reshje të dobëta bore.
Sipas IHMK-së, temperaturat minimale do lëvizin ndërmjet -9 deri -6 gradë Celsius ndërsa ato maksimalet nga -4 deri në -2.
“Të dielën parashihet të mbajë mot kryesisht i vranët dhe vende–vende me reshje të dobëta bore. Temperaturat minimale do të lëvizin ndërmjet -9 deri -6 gradë Celsius, ndërsa maksimalet e ditës parashihen të lëvizin ndërmjet -4 deri -2 gradë Celsius. Do të fryjë erë nga verilindja me shpejtësi 1-7m/s”, thuhet në njoftimin e IHMK’së.
IHMK, para dy ditësh, ka njoftuar se masat e ftohta të ajrit të ardhura nga pjesa veriore e kontinentit do të qëndrojnë edhe gjatë ditëve vijuese.
Përgjatë kësaj jave, ashtu siç edhe ka njoftuar Instituti Hidrometeorologjik, ka pasur reshje të herëpashershme bore.
Klikoni KËTU për tu bërë pjesë e kanalit të TV Prizreni në Youtube.
