Instituti Hidrometeorologjik i Kosovës ka bërë të ditur se gjatë ditës së diele në Kosovë do të mbajë mot kryesisht me diell.

Këshillohet që nga ora 10:00 e mëngjesit deri në ora 17:00 të mos ekspozohemi ndaj rrezeve të diellit.

“Vranësira të pakta parashihen për rreth relievit malor. Temperaturat minimale do të lëvizin ndërmjet 9-12 gradë Celsius, ndërsa maksimalet e ditës parashihen të lëvizin ndërmjet 26-30 gradë Celsius. Indeksi UV do të jetë në vlerat e larta, prandaj këshillohet që udhëzimet e IKSHP të respektohen, (që nga ora 10-17 mundësisht mos të jemi në kontakt direkt me rrezet e diellit)”, thuhet në njoftimin e IHK-së.

Sipas IHK-së do të fryjë erë kryesisht nga veriu dhe verilindja me shpejtësi 1-5m/s.