Kryetari i Prizrenit, Shaqir Totaj, përmes një postimi në facebook, ka bërë të ditur se gjatë ditës së sotme në rezidencën e tij, ka pritur kryetaren e Kryqit të Kuq të Kosovës, Feride Hyseni, Sekretarin e Përgjithshëm, Agron Humolli, shefin e misionit të KNKK-së në Prishtinë, Agim Gashi dhe koordinatoren e bashkëpunimit në KNKK, Fikrie Bexheti, më të cilet njofton se ka diskutuar për aktivitetet që i zhvillon kjo organizatë humanitare dhe shqyrtuan mundësitë e bashkëpunimit në të ardhmen.
Misioni dhe veprimtaria e Kryqit të Kuq në Kosovë, në të gjitha etapat e historisë sonë, ka qenë sa fisnike, aq edhe informuese e vetëdijesuese për qytetarët. Kryetari Totaj ri potencoi se Komuna e Prizrenit do t’u qëndrojë afër njerëzve dhe organizatave të vullnetit të mirë në çdo kohë, duke i dhënë mbështetje veprimtarisë humanitare në Komunën tonë.
