Përfaqësuesja e Kosovës ka pësuar humbje 3:1 ndaj Austrisë, në ndeshjen e zhvilluar të dielën mbrëma në Vjenë, në kuadër të Ligës së Kombeve.
Austria e kontrolloi më mirë lojën dhe krijoi më shumë raste gjatë takimit. Vendasit kaluan në epërsi në minutën e 23-të me Affengruber, ndërsa Adamu shënoi për 2:0 në fund të pjesës së parë.
Në pjesën e dytë, Austria vazhdoi dominimin dhe Chukwuemeka realizoi për 3:0 në minutën e 61-të. Kosova arriti të reagojë vetëm në fund të takimit, kur Edon Zhegrova shënoi në minutën e 83-të për rezultatin përfundimtar 3:1.
