Mbrëmë rajoni i Prizrenit u përfshi nga erëra të forta ku në shumë vende u shkaktuan dëme të konsiderueshme materiale.
E sot kryetari Totaj ka dalur në terren dhe ka vizituar disa nga vendet ku janë shkaktuar dëme.
Njoftimi i plotë:
Kryetari Totaj premton se do t’u dalë në ndihmë të gjithë atyre që u shkaktuan dëme nga erërat e forta
Të nderuar qytetarë,
Mbrëmë u ballafaquam me dëme të shumta që u shkaktuan nga erërat e forta në Komunën e Prizrenit. Kishte dëmtim të shtyllave elektrike në qytet dhe fshatra, derisa kishte edhe ndërprerje të energjisë elektrike në disa zona.
Së bashku me drejtoreshën e Emergjencës dhe Sigurisë, Ramize Shala, vizituam sot disa nga vendet më të prekura, ndërsa, Komuna e Prizrenit do t’u dalë në ndihmë të gjithëve dhe do t’i shfrytëzoj të gjitha kapacitetet e veta për të qenë afër qytetarëve në momente krizash natyrore.
Klikoni KËTU për tu bërë pjesë e kanalit të TV Prizreni në Youtube.
