Komunës së Prizrenit i dorëzohet projekti i detajuar për rregullimin e ambientit të Gurrës së Poslishtit

Të premtën, kryetarit të Prizrenit, Mytaher Haskuka dhe drejtoreshës së Turizmit, Sevil Kazaz, i është dorëzuar nga kuvendari, Petrit Hoxhaj, projekti i detajizuar për “Rregullimin e ambientit të Gurrës në fshatin Poslisht”, ka njoftuar përmes një postimi në facebook, kuvendari Hoxhaj.

Postimi i plotë:

Të nderuar miq…

Ashtu siç ju kam paralajmëruar dhe më herët që do të jam në shërbim të gjithë qytetarëve të komunës sonë, a ndaj, në bazë të kërkesës suaj, sot i kam dorëzuar Komunës së Prizrenit, respektivisht Drejtorisë së Turizmit dhe Zhvillimit Ekonomik, projektin e detajizuar për “Rregullimin e ambientit të Gurrës në fshatin Poslisht”. Projekti në fjalë pritet të implementohet dhe të duket sikur në fotografit të bashkëngjitura. Njëkohësisht, falënderojë kryetarin e komunës, Mytaher Haskuka si dhe dhe Sevil Liman- Kazaz, drejtoreshë e Drejtorisë për Turizëm dhe Zhvillim Ekonomik, për përkrahjen e tyre deri më tani dukue iu përgjigjur pozitivisht kërkesave të mia.