Pas njoftimit në disa media se KF “ Opoja” është shuar dhe më pas presionit publik, ka filluar riorganizimi i këtij klubi falë gatishmërisë së kryetarit të komunës së Dragashit, Bexhet Xheladini për të vazhduar mbështetjen financiare dhe mirëkuptimit nga ana e FFK-së, kanë bërë të ditur për TV Prizreni zyrtarë të LRF në Prizren.
Sipas tyre, FFK i ka mundësuar që të shtyhet ndeshja e parë e kampionatit kundër Dardanëve, që Opoja të organizohet dhe ta kompletojë skuadrën.
Sipas po të njëjtave burime, skuadra ka filluar të mbledhë futbollistë të rinj për të kompletuar ekipin.
