Haskuka: Qytetarët e vërtetuan që 14 shkurti ishte një referendum

Kryetari i Prizrenit, Mytaher Haskuka, përmes një shkrimi në facebook, ka uruar të gjithë deputetet që kanë fituar në zgjedhjet e 14 shkurtit.

Ai më tek ka theksuar se zgjedhjet e 14 shkurtit filluan me padrejtësi, duke e larguar Albinin nga lista, e pastaj vazhduan me padrejtësitë ndaj mërgatës. U vënë pengesa nga më të ndryshmet, një pjesë e madhe e votave të mërgatës nuk u pranuan e rezultatet u vonuan tepër. Kishte edhe padrejtësi të përgatitur nga Beogradi ndaj komunitetit rom dhe boshnjak, duke uzurpuar disa nga mandatet e tyre.

Mirëpo, në fund qytetarët vërtetuan që 14 shkurti ishte një referendum.
Me 50% të votave, Albini ka marrë përkrahjen më të madhe në historinë parlamentare të Kosovës, me këtë edhe legjitimitetin për reforma rrënjësore për një Kosovë të drejtë dhe të zhvilluar, thuhet në këtë postim.