Kryetari i Prizrenit ka bërë të ditur se sot bashkë me kryetarin e Lëvizjes Vetëvendosje kanë vizituar kryetarin e sapo zgjedhur të komunës së Podujevës, Shpejtim Bulliqin.
Postimi i plotë:
Së bashku me nënkryetarin e Komunës së Mitrovicës, z. Faruk Mujka, sot vizituam kryetarin e sapo zgjedhur të Komunës së Podujevës, z. Shpejtim Bulliqi.
Gjatë këtij takimi, të cilit më pas iu bashkua edhe lideri i Lëvizjes VETËVENDOSJE!, z. Albin Kurti, kryetarit Bulliqi i uruam punë të mbarë dhe suksese në punën e tij.
Puna e kryetarit të Komunës është një nga punët më sfiduese, por në të njëjtën kohë është punë ku frytet e saja vërehen drejtpërdrejt tek qytetarët. Z. Bulliqi, përpara vetes do të ketë shumë sfida të cilat e presin, por tani si kryetarë do të bashkëpunojmë dhe t’i shkëmbejmë përvojat për t’ia kthyer qytetarëve besimin në institucione.
Lëvizja VETËVENDOSJE!
