FC Prizreni po kalon një formë të jashtëzakonshme në kampionatin aktual, dhe pjesa më e madhe e meritave i takon trajnerit Samuel Nikaj, i cili ka udhëhequr skuadrën drejt rezultateve të shkëlqyera.
Në ndeshjen e fundit të zhvilluar ndaj KF Dardanisë, FC Prizreni doli fitues si mysafir me rezultat 0:2, duke regjistruar kështu fitoren e shtatë radhazi. Me këtë rezultat, klubi nga Prizreni grumbullon 57 pikë të plota, duke ruajtur me 100% sukses në këtë sezon dhe duke u pozicionuar në krye të tabelës.
Ekipi i drejtuar nga Nikaj është në rrugë të mbarë për t’u ngjitur në Ligën e Parë të Kosovës, me paraqitje të disiplinuara dhe besim të palëkundur në misionin e tyre sportiv.
“FC Prizreni është krenar me ty!” – është mesazhi që vjen nga klubi dhe tifozeria, të cilët e shohin Samuel Nikajn si njeriun kyç pas këtij suksesi të madh./tvprizreni/
