Era e fortë dhe shiu i ka dëmtuar shtyllat elektrike në fshatin Semetisht. Kështu ka bërë të ditur kryetari i Komunës së Suharekës, Bali Muharremaj përmes një postimi në llogarinë e tij “Facebook”.

Ai ka njoftuar se ekipet emergjente kanë dalur në terren dhe po e vlerësojnë situatën. Tutje kryetari ka apeluar që dëmet në terren t’i vlerësojnë edhe ekipet e KEDS-it.

Instituti Hidrometeorologjik i Kosovës ka bërë të ditur se gjatë ditës së mërkurë dhe enjte do të ketë temperatura më të ulëta si dhe reshje shiu e shkarkime rrufesh.