Blend Baftiu edhe zyrtarisht është larguar nga kampionët e Kosovës, Ballkani.
Lajmin për “divorcin” e ka bërë të ditur faqja zyrtare e Ballkanit në rrjetet sociale, shkruan FrontOnline.
Aventura e Blend Baftiut te Ballkani ka zgjatur për katër vjet, derisa klubi suharekas theksoi se dëshira e tij ishte të rinovonte, megjithatë Baftiu ishte ai që vendosi të largohej.
“Magjiku i skuadrës tonë, nga sot nuk do i mbrojë më ngjyrat e klubit portokalli. Klubi ynë ishte shumë i interesuar për të vazhduar kontratën ,mirëpo Baftiu vendosi që të ndërroj ambient pasi që katër vite ka dhënë të gjitha për klubin tonë, ne si klub e mirëpritem vendimin e tij dhe patjetër se ai do të mbetet në historinë tone”, thuhet në njoftimin e Ballkanit.
Destinacion i radhës për Blend Baftiun do të jetë Drita e Gjilanit.
Për një gjë të tillë raportoi edhe FrontOnline ditë më parë, teksa zyrtarizimi pritet të vie shumë shpejt.
Baftiu do të nënshkruajë me “bardhekaltrit” dhe do të jetë pjesë e tyre edhe në ndeshjet e garave evropiane./FrontOnline/
Klikoni KËTU për tu bërë pjesë e kanalit të TV Prizreni në Youtube.
