Kryetari i Bashkëisë Lokale- Zhur, Behar Begaj, përmes një postimi në facebook, ka njoftuar se një bashkëatdhetar që ka dashur të jetë anonimi cili jeton dhe vepron në Bazel të Zvicrës, ka dhuruar një donacion me pajisje shkollore fëmijët të cilët për herë të parë janë ulur në bankat shkollore në vitin e vonuar shkollor 2022-2023.
Postimi i plotë
Pas grevave disa javëshe të organizuara nga ana SBASHK-ut,më në fund fëmijët tanë po i kthehen bankave shkollore!
Ndërsa për disa fëmijë që për herë të parë nisen drejtë rrugës së shkronjave, një familje zhuriane me qëndrim në Basel të Zvicrës, ka shprehur dëshirën që t’i ndihmojë me pajisje shkollore të nevojshme për klasën e parë!
Në emrin tim, në emër të bashkëpunëtorëve të mi z. Samidin Badalli, z. Islam Omaj,në emër të BL Zhur, si dhe në emër të drejtorit të shkollës “Dëshmorët e Zhurit” në Zhur z.Ismen Ajazaj, e falenderojmë familjen Zhuriane, për këtë donacion shumë të qëlluar…
Njëherit të gjithë nxënësve që për herë të parë ulen në bankat shkollore,i urojmë shëndet e suksese në rrugën e dijes!
