Përmes një komunikate për media, zyra për informim publik e Drejtorisë Rajonale të Policisë në Prizren, njofton se mbrëmë rreth orës 22:00 një shtetas i Shqipërisë është arrestuar në fshatin Zhur të Prizrenit, pasiqë është kapur në flagrancë duke tentuar të kryejë vjedhje në një shtëpi.

“Mbrëmë në fshatin Zhur të Prizrenit rreth orës 22, një i dyshuar mashkull shtetas i Shqipërisë është arrestuar për shkak se është kapur në flagrancë duke tentuar të kryej vjedhje në shtëpinë e viktimës mashkull kosovar. I dyshuari me vendim të prokurorit është dërguar në mbajtje”, thuhet në komunikatën e zyrës për informim te DRP-së në Prizren.